baldauren@mail.ru
+7 (71636) 79 1 34
«Балдәурен» РОСО-да 6-ауысым аясында «Жаңа Қазақстанның өркендеуі үшін!» әскери-патриоттық клубтар мен бірлестіктердің республикалық слеті өтуде.
Слеттің мақсаты: патриоттық тәрбие саласында мемлекеттік жастар саясатын іске асыру; өскелең ұрпақтың жоғары азаматтық белсенділігін тәрбиелеуге жәрдемдесу; рухани-адамгершілік даму және Отан алдындағы жауапкершілік сезімі.
Слеттің міндеттері:
• азаматтық сана-сезімді қалыптастыру, Отанға деген сүйіспеншілік пен құрмет сезімін нығайту;
• үлкенге ізет, кішіге қамқор болу арқылы ұрпақтардың рухани бірлігін қамтамасыз ету, ел тарихы мен мәдениетіне құрмет көрсету;
• жастарды әскери қызметке даярлауға жәрдемдесу.
Әскери-патриоттық клубтар мен бірлестіктерді жинау бес кезеңде жүргізіледі:
1 кезең- саппен жүру және саптық ән байқауы;
2 кезең-сахналанған патриоттық әндер байқауы;
3 кезең – «Әскери іс үшін пайдалы» байқауы;
4 кезең – «Мерген» байқауы;
5 кезең – «Қорғаныс» байқауы.
Слеттің алғашқы кезеңі 11-мамыр күні өтті. Қатысушылар бірінші кезеңде жеке және ұжымдық дайындықтарын көрсетті.
Жеке дайындық – сапта тұру, сапта жүру, бір орында бұрылу, саптан шығу, сапқа оралу, әскери сәлем беру рәсімі.
Ұжымдық әрекет - бөлім құрамындағы үйлесімділік: бөлімді сапқа тұрғызу, сырт келбеті, бөлімше командирінің саптық байқауға дайындығы туралы баянаты мен әндері, сәлемдесуге жауаптары, бір орында тұрып және қозғалыста бұрылу, әскери ант беру және ән айтып өту.
