Педагогикалық топтардың «Объективте - ЖАЗ! Камера! Мотор! Кеттік!» атты Республикалық слеті

«Балдәурен» республикалық оқу-сауықтыру орталығында 5-7 сәуір аралығында педагогикалық топтардың «Объективте - ЖАЗ! Камера! Мотор! Кеттік!» атты Республикалық слеті өтті. 
Слетке қатысушылар: балалар сауықтыру лагерлерінің (орталықтарының) педагогикалық топтары, Қазақстан Республикасы жоғары және арнайы орта оқу орындарының қалыптасқан педагогикалық топтары.
Слеттің мақсаты: Cлет балаларды жыл бойы сауықтыру, демалу және жұмыспен қамту жүйесін ұйымдастырудың сапасы мен тиімділігін арттыру, осы қызмет саласының кадрлық әлеуетін дамыту мақсатында өткізіледі.
Слеттің міндеттері:
- жастарды ұйымдастырудың тиімді түрі ретінде Қазақстан Республикасының студенттік педагогикалық топтар қозғалысын танымал ету;
- педагогикалық топтар арасындағы кәсіби және мәдени байланыстарды дамыту және нығайту;
- ең табысты педагогикалық топтар мен олардың қатысушыларын анықтау және қолдау;
- Слет қатысушыларының кәсіби құзыреттілігін арттыру.

Қатысушылар педагогикалық топтың визит картасы және «Зал ойындары» атты 2 турдан құралған байқаудан өтті.
Әр топ өз дайындықтарын жоғары деңгейде көрсетті. Қазылар алқасының әділ шешімі бойынша жүлделі орындар келесі командаларға берілді: 
І орын- «Жігер» 
СҚО, Магжан Жұмабаев атындағы жоғары колледжі
II- орын «Думан»
Ш. Уәлиханов атындағы Көкшетау университеті
ІІІ орын-«Жайық жастары»
БҚО, Орал қаласы, Ж.Досмұхамедов атындағы жоғары педагогикалық колледжі. 

Барлық қатысушылар номинациялар және сертификаттармен марапатталды. 
Сіздерді шын жүректен құттықтай отырып, келесі кездескенше асыға күтеміз!