Қостанай облысындағы табиғи өрттен зардап шеккен отбасылардың балалары «Балдәуренге» келді

Қостанай облысындағы, Әулиекөл ауданының өңірлерінен табиғи өрттен зардап шеккен отбасылардың балалары «Балдәурен» республикалық оқу-сауықтыру орталығына келді. Қазіргі таңда 5-9 сынып жас аралығындағы 11 оқушы орталыққа орналасты. Дәл қазіргі уақытта балалар орталыққа бейімделіп, медециналық тексеруден өтті. Балаларға жеке гигиеналық заттар мен концелярлық оқу құралдары үлестірілді. Балалар «Балдәурен» республикалық оқу-сауықтыру орталығының білім кешенінде сабақтарын жалғастырып, сауықтыру ем-шараларымен қамтамасыз етілетін болады.

20 күнге жалғасатын «Мұхтар Әуезовтің 125 жылдығына арналған «Абай жолы - білім жолы» әдеби вернисажы атты 11-ауысымның аясында балаларға: ауысым тақырыбына сай іс-шаралар, спорттық ойындар, әдеби кештер жоспарланып отыр. Сонымен қатар, ел тарихын танытып, ұлттық құндылықтарға баулу мақсатында «Бурабай» мемлекеттік ұлттық табиғи саябағының аумағында экскурсия ұйымдастырылады.