Жазғы кезеңде балалардың демалысын, сауықтырылуын, жұмыспен қамтылуын ұйымдастыру қорытындылары бойынша республикалық семинар-кеңес

Балалар асыға күтетін жазғы демалыс уақыты да өз мәресіне жетті. Барлық бала үшін жазғы демалыс маңызды болғандықтан, демалысты тиімді әрі қауіпсіз ұйымдастыру біздің басты мақсатымыз болды. Осы мақсатқа жету жолында атқарылған жұмыстардың нәтижелері бүгінгі семинар-кеңесте талқыланды.
Семинар-кеңеске: Оқу-ағарту, Ішкі істер, Денсаулық сақтау, Төтенше жағдай, Мәдениет және спорт министрліктерінің өкілдері, облыстық және қалалық білім басқармаларының өкілдері, Балаларды сауықтыру ұйымдары, жас туристер станциясы басшыларының республикалық кеңесінің мүшелері, ҮЕҰ қатысып, 2022 жылдың жазғы кезеңде балалардың демалысын, сауықтырылуын, жұмыспен қамтылуын ұйымдастыру қорытындылары бойынша атқарылған жұмыстар, өзекті мәселелер, қауіпсіздік шаралары, жаңа бастамалар талқыланып, тәжірбие алмасты.