ДАҒДАРЫСТАРДЫ БАСҚАРУДАН БРЕНДТІ НЫҒАЙТУҒА ДЕЙІН

2023 жылдың 20-21 маусым аралығында «Балдәурен» республикалық оқу-сауықтыру орталығында ҚР Оқу-ағарту Министрлігінің ведомстволық бағынысты ұйымдарының баспасөз қызметкерлеріне арналған «Баспасөзбен өзара әрекеттесу: дағдарыстарды басқарудан брендті нығайтуға дейін» атты алғашқы семинар-тренинг өтті.

Тренинг спикерлері: ҚР Оқу-ағарту министрі Бейсембаев Ғани Бектайұлы, ҚР СІМ Коммуникациялар департаментінің директоры Смадияров Айбек Серікбайұлы, «Qazcontent» мемлекеттік ақпараттық агенттігінің Басқарма Төрағасы Жүсіпов Бекзат Бақбергенұлы, Назгүл Қожабек, ҚР СІМ жанындағы «Отандастар қоры» КЕАҚ Вице-президенті Беркінбаев Олжас Уәлиханұлы, SMM-менеджер Әсел Ошан, ҚР ҒЖБМ баспасөз хатшысы Ізғұтты Медетжан Мейрамжанұлы, ҚР Энергетика министрінің кеңесшісі
Ілиясов Шыңғыс Нұрғалиевич, ҚР Индустрия және инфрақұрылымдық даму
министрлігінің баспасөз хатшысы Омархан Жанжігіт Абзалбекұлы, PR-директор Ораз Дина Біржанқызы, ҚР ОАМ баспасөз қызметінің жетекшісі Нұрмұханова Мереке Амангелдіқызы. 

Семинардың мақсаты: баспасөз хатшыларының кәсіби қызметін жетілдіру және тәжірибелік дағдыларды дамыту.

Семинар аясында қатысушыларға өз саласының үздік мамандары дәріс айтып, көпжылдық тәжірбиелерімен және пайдалы кеңестерімен бөлісті. Спикерлер мен қатысушылар арасында: Дағдарысқа қарсы коммуникациялар, жаңа медиа дəуіріндегі баспасөз хатшысы, білім саласына қажет SMM құралдары, баспасөз қызметінің жұмысын ұйымдастыру, баспасөз қызметтерінің даму стратегиясы және тағы басқа өзекті тақырыптар қозғалып, керемет сұрақ-жауап алаңы да көрініс тапты.

Семинардың алғашқы күні ҚР ОАМ министрі Бейсембаев Ғани Бектайұлы қатысушылармен еркін форматта кездесу өткізіп, кәсіби кеңестерімен бөлісті. Сонымен қатар, баспасөз хатшыларының сұрақтарына жауап берді.

Семинар соңында барлық қатысушылар сертификаттармен марапатталды.