Мәңгілік есте де, жүректе де

«Ұлы Отан соғысындағы Жеңістің 80 жылдығына арналған

әскери-патриоттық клубтар мен бірлестіктердің жиыны» атты

 2025 жылғы 6 ауысым шеңберінде «Мәңгілік есте де, жүректе де» азаматтық-патриоттық бағыттағы жобалар конкурсын өткізу туралы

ЕРЕЖЕ

1. Жалпы ереже

1.1. Осы Ереже «Мәңгілік есте де, жүректе де» атты азаматтық — патриоттық бағыттағы жобалар байқауын (бұдан әрі — Байқау) ұйымдастыру және өткізу тәртібін айқындайды.

1.2. Байқау 2025 жылғы 6 ауысым шеңберінде өткізіледі: «Ұлы Отан соғысындағы Жеңістің 80 жылдығына арналған әскери-патриоттық клубтар мен бірлестіктер жиыны».

1.3. Байқауды ұйымдастырушы «Балдәурен» Республикалық оқу-сауықтыру орталығы болып табылады.

2. Байқаудың мақсаты мен міндеттері

Мақсаты: өскелең ұрпақтың тарихи жадын сақтау және белсенді азаматтық ұстанымын қалыптастыру.

Міндеттері:

• ұлы Отан соғысының тарихына деген қызығушылықты арттыру;
• зерттеушілік және дамытушылық қызметті дамыту;
• патриоттық тәрбие беру саласындағы бастамаларға қолдау көрсету;
• балалар мен жастарды тарихи-мәдени мұраны сақтауға тарту.

3. Байқауға қатысу

Байқауға қатысуға шақырылады:

• «Жас Сарбаз» қозғалысының қатысушылары;
• әскери қызметкерлер мен Қазақстан Республикасы Қарулы күштері қызметкерлерінің балалары;
• өлкетану және тарих үйірмелерінің оқушылары;
• еріктілер клубтары мен бірлестіктерінің өкілдері;
• әскери-патриоттық және әлеуметтік жобаларға қатысатын білім беру мекемелерінің оқушылары.

4. Жобалардың тақырыбы мен мазмұны

Жобалар азаматтық-патриоттық бағытқа сәйкес келуі және мынадай тақырыптарды көрсетуі тиіс:

• «Ұлы Отан соғысы батырларының ерліктері»;
• «Соғыс жылдарындағы туған өлкенің тарихы»;
• «Отбасы тарихы: майдангерлердің шежіресі»;
• «Есте сақтау үшін еріктілердің бастамалары»;
• «Жастарды патриоттық тәрбиелеуге бағытталған акциялар мен іс-шаралар».

5. Өткізу форматы

Жобалар жеке немесе ұжымдық болуы мүмкін / 3 автордан аспайды/.

Ұсыну формалары: презентация, бейнеролик, стендтік баяндама, макет, альбом, буклет, сандық өнім.

Жобаны ауызша қорғау уақытының ұзақтығы — 7 минутқа дейін.

Мультимедиалық материалдарды пайдалану қабылданады.

Онлайн түрде қатысу қарастырылған.

6. Бағалау өлшемшарттары

Қазылар алқасы жобаларды келесі өлшемшарттар бойынша бағалайды:

• тақырыптың өзектілігі және байқау тақырыбына сәйкестігі;
• материалды зерттеу тереңдігі және пысықтау;
• идеяның сонылығы және шығармашылық тәсіл;
• материалды безендіру және беру сапасы;
• практикалық маңызы және іске асыру мүмкіндігі;
• жобаны іске асыруға қатысу (ұжымдық үлес).

7. Қорытындысын шығару және марапаттау

Қатысушылар мен оларды дайындаған мұғалімдер дипломдармен марапатталады.

Үздік жобаларды одан әрі іске асыруға немесе республикалық және халықаралық байқауларға қатысуға ұсынылуы мүмкін.

8. Өткізу мерзімі

Байқауды өткізу: 2025 жылғы 6 ауысым кезеңінде /14-15 мамыр сағат/.

Ауысымның салтанатты жабылу рәсімінде марапаттау.

Онлайн форматтағы қатысушыларға сертификаттар мен дипломдар электронды түрде беріледі.