«Біз бірге жасаған жаз: сабақтар, қорытындылар және болашаққа бағдарлар»

2025 жылы 26 тамызда «Балдәурен» республикалық оқу-сауықтыру орталығында Педагогтердің республикалық тамыз конференциясы аясында «Біз бірге жасаған жаз: сабақтар, қорытындылар және болашаққа бағдарлар» тақырыбында панельдік секция өтті. Іс-шараға Қазақстан Республикасы Оқу-ағарту министрлігінің, Ішкі істер министрлігінің, Денсаулық сақтау министрлігінің, Төтенше жағдайлар министрлігінің, өңірлік білім басқармаларының өкілдері, сондай-ақ балалардың сауықтыру лагерлерінің, мектептердің, оқушылар сарайының директорлары, меңгерушілері және әлеуметтік педагогтар қатысты. Кездесуді ҚР Оқу-ағарту министрлігінің Тәрбие жұмысы және қосымша білім беру департаменті  және «Балдәурен» РОСО бірлесіп ұйымдастырды.

Талқылаудың басты мақсаты 2025 жылғы жазғы сауықтыру науқанын қорытындылау, жетістіктер мен проблемаларды талдау, сондай-ақ 2026 жылға арналған балалар демалысын дамыту бағыттарын айқындау болды. Өз баяндамаларын бейінді министрліктердің сарапшылары, лагерьлердің қызметкерлері және өңірлік білім беру құрылымдарының өкілдері ұсынды. Лагерьлерді тиімді басқарудың, эко ауысымдарды енгізудің, табиғатпен өзара іс-қимыл арқылы патриоттық тәрбиені қалыптастырудың нақты мысалдары, сондай-ақ лагерьлердің балалар үшін сенім, қолдау және тұлғалық өсу аумағы ретіндегі мүмкіндіктерін көрсететін кейстер айтылды.

Түстен кейін жазғы науқанға қатысушылардың түрлі санаттарының жұмыс ерекшеліктерін терең талқылауға бағытталған үш қатар митап-сессия өтті. Бірінші митап-сессия білім басқармаларына арналып, аймақтық тәжірибенің табысты болуын, сондай-ақ жазғы науқанды жүзеге асыру кезінде кездескен проблемаларды анықтауға мүмкіндік берді. Екінші митап-сессия бейінді және маусымдық лагерьлердің директорларын біріктірді, онда кадрлық саясат, инфрақұрылымды жаңғырту, белгісіз жағдайдағы лагерьлердің тұрақтылығы, сондай-ақ ауысымды ұйымдастырудың жаңа нысандары мәселелері талқыланды. Үшінші сессия мектеп директорларының, тәрбие жұмысы жөніндегі орынбасарларының және әлеуметтік педагогтардың өкілдерін жинап, жазғы демалыс нәтижелерін «Адал азамат» тәрбиелеудің бірыңғай бағдарламасын іске асыру шеңберінде тәрбие процесіне біріктіруге арналды.

Панельдік секция мен митап-сессиялар тәжірибе алмасу, өзекті мәселелерді талқылау және жаңа шешімдер іздеу үшін маңызды алаңға айналды. Барлық қатысушылар ведомствоаралық өзара іс-қимылды нығайту, лагерьлерде жұмыс істеу үшін кадрлар даярлау сапасын арттыру, инфрақұрылымды дамыту және балалардың мүдделері мен қажеттіліктеріне сәйкес білім беру бағдарламаларын құру қажеттігін атап өтті. 2025 жылдың жазы педагогикалық қоғамдастық балалардың демалысы тек қызықты әрі қауіпсіз ғана емес, сонымен қатар белсенді, адал және әлеуметтік жауапты азаматты қалыптастыратын терең тәрбиелі болуы мүмкін екенін тағы да дәлелдеген уақыт болды. Сессия барысында айтылған   ұсыныстар  келесі маусымға арналған балалар демалысын  сапалы саясатты қалыптастыру үшін негіз болады