Қазақстанның Швейцариясына саяхат

Бурабай еліміздің ең көрікті жерлерінің бірі және өзіне ғана тән табиғатымен ерекшеленеді. Бурабай - Қазақстанның інжу-маржаны, қазақтың Швейцариясы деп мақтана айтамыз. Табиғатының ерекше сұлулығын, тау-тастарын, орманы мен көлдерін көруге жыл сайын еліміздің түпкір-түпкірінен, алыс-жақын шет елдерден мыңдаған туристтер келеді. 
Еліміздің осынша көрікті мекенін көрсетіп, аңыз-әңгімелерімен, тарихымен таныстыру мақсатында 9-ауысым қатысушылары Бурабайға саяхатқа аттанды. 
Саяхат барысында балалар: Жұмбақтас, Оқжетпес тауларын аралап, Бурабайдың төңірегінде үш жүздің басын қосқан Абылай хан алаңын және хан тағын көрді. Абылай хан алаңы – жартастармен қоршалып, орман ішінде орналасқан киелі, тарихи орын болып саналады. Саяхатың соңында балдәурендіктер естелік фотоларға түсті. Саяхат барлық балаларға ұнап, жарқын эмоциялар сыйлады.