РЕСПУБЛИКАЛЫҚ «ҮЗДІК ДЕНЕ ШЫНЫҚТЫРУ ПЕДАГОГІ – 2023» БАЙҚАУЫ

2023 жылдың 21-24 қараша аралығында Қазақстан Республикасы Оқу-ағарту министрлігінің қолдауымен «Балдәурен» республикалық оқу-сауықтыру орталығы Ұлттық ғылыми-практикалық дене тәрбиесі орталығымен бірлесіп «Үздік дене шынықтыру педагогі – 2023» Республикалық байқауын өткізуде.

Байқаудың негізгі мақсаты – дене шынықтыру педагогтерінің шығармашылық бастамасын қолдау, кәсіби өсуге жәрдемдесу, осы мамандық бойынша педагогтердің  еңбегінің беделін арттыру.

Байқаудың негізгі міндеттері:

- білім беру сапасын арттыру;

- педагогтердің кәсіби шеберлігін арттыру;

- білім беру-тәрбие процесін ғылыми-әдістемелік қамтамасыз етуді жетілдіру;

- озық педагогикалық тәжірибені анықтау және тарату;

• заманауи инновациялық білім беру технологияларын енгізу және тарату;
• шығармашылық педагогтерді қолдау және педагог мамандығының беделін көтеру.

Байқауға қатысушылар барлық түрдегі жалпы орта білім беру ұйымдарының дене шынықтыру педагогтері-конкурстың облыстық кезеңінің жеңімпаздары.

Байқау үш кезеңде өткізіледі:

I кезең – аудандық білім бөлімдері қыркүйек айында өткізеді.

II кезең – облыстардың және Астана, Алматы, Шымкент қалаларының білім басқармалары қазан айында өткізеді.

III кезең – республикалық финалдық кезең 2023 жылғы 21-24 қараша аралығында «Балдәурен» республикалық оқу-сауықтыру орталығы базасында өткізіледі.