Астанамыз – Нұр-Сұлтан!

Астанамыз Нұр-Сұлтан,
Көркейе бер әр қашан!
Әлем жұрты көз тіккен,
Сәулетіңмен мақтанам.

Бой түзеген Есілдің жағасында,
Ғасырдың қаласысың сен жаңа.
Тәуелсіздіктің тұғырын биік ұстап,
Жетейік жүз жастарға, мың жастарға.

Көз тоймас келбетіңе қарағанда,
Болдың сен қазағыма арман қала.
Жерімде сұлулығы тең келетін,
Барма екен? - сен секілді әсем қала.

Бүгінде әлем білер бас орданы,
Нұр-Сұлтанда шырқалар жастар әні.
Халқымыз, Отанымыз аман болса,
Қазақтың арта түсер сән, салтанаты.

Бүгін міне 24-жылдық мерей тойың,
Құтты болсын Алаш елім, қалың жұртым,
Жаңа ғасыр, жаңа астана қазағымда,
Өзің жайлы таусылмас жыр, дастан да.

Заманға сай шарықтап, дами бергің,
Осы жолдан бағытың жаңылмастан.
Мәңгілік ел мәртебесі бір өзіңде,
Ашық болып аспаның, бағың жансын!

ЕРНАЗАРОВА Айнұр Шүкірқызы,

«Балдәурен» РОСО филиалының

 ұйымдастырушы-ұстазы.

Түркістан облысы, Төлеби ауданы