Жас геологтардың VI Қазақстандық ашық далалық олимпиадасының ашылу салтанаты

23 шілде күні «Балдәурен» РОСО-да жас геологтардың VI Қазақстандық ашық далалық олимпиадасының ашылу салтанаты өтті. Іс-шараны құттықтау сөзімен вице-министр Т.Момышев ашты.
Ашылу салтанатына экология, геология және табиғи ресурстар вице-министрі Т.Момышев, ҚР ЭГТРМ Геология комитеті төрағасының орынбасарлары, «Ұлттық геологиялық компания» АҚ уәкілетті тұлғасы Ж. Кәрібаев және Ақмола облысы әкімдігінің өкілдері мен олимпиаданың демеушілері қатысты. 
Олимпиадаға Қазақстанның барлық аймақтарының 7-11 сынып оқушылары қатысуда.
Балалар жылына орай алдыңғы орындарға ие болған қатысушыларға экология, геология және табиғи ресурстар Министрлігі Қ. И. Сәтбаев атындағы Қазақ ұлттық техникалық зерттеу университетіне оқуға үш грант беруді жоспарлап отыр.