2023 жылғы 12-ауысымның БАСПАСӨЗ ХАБАРЛАМАСЫ

 

ҚР Оқу-ағарту министрлігі бекіткен, 2023 жылға арналған жоспар – кестесіне сәйкес «Балдәурен» республикалық оқу-сауықтыру орталығында 4-23 қыркүйек аралығында Мағжан Жұмабаевтың 130 жылдығына арналған «Мен жастарға сенемін» атты республикалық мәнерлеп оқу байқауы және «Тіл – адамның ең жақсы тәрбиешісі» атты лингвистикалық жаңалықтар зертханасы атты қосарланған 12-ауысым өтеді.

 

Ауысым қатысушылары: Абай, Махамбет, Шәкәрім, Мағжан, Мұқағали оқуларының жеңімпаздары, жас лингвистер мен халықаралық, республикалық, облыстық қазақ, орыс, ағылшын тілдерінен жеңімпаздар.

 

Ауысым мақсаты: Мағжан Жұмабаевтың ұлтжанды, азамат, ақын, ойшыл ретіндегі маңызы туралы балалардың түсініктерін кеңейту, сондай-ақ білім алушылардың тілдерді үйренуге, оқушыларды жазу және тіл білімі тарихына баулуға тұрақты қызығушылығын қалыптастыру.

 

• гуманистік дүниетанымын, ұлттық болмысын, азаматтық, патриоттық сезімдерін, әдебиетке және ұлттық мәдениет құндылықтарына деген сүйіспеншілік пен құрметті қалыптастыру;

• жеке тұлғаның қабілеттеріне, қоғамдық және жеке мүдделеріне сәйкес өзін-өзі жүзеге асыруы үшін жағдай жасау, балаға өзін танытуына мүмкіндік беру;

• қазақ, орыс және ағылшын тілдерін меңгеруге деген ұмтылысты қалыптастыру;

• оқушыларды шығармашылық ойлау қабілетіне және шәкірт бойындағы талант көзін ашуға, тілін байытуға, қиялын ұштауға және өз бетінше ізденуіне үйрету.

 

 

1. « Мен жастарға сенемін» топ визиткасын қорғау кеші;

2. 2023 жылдың 12-ауысым президентіне үміткерлермен танысу;

3. 2023 жылдың 12-ауысымның ашылу салтанаты; 

4. «Жастар» педагогикалық тобымен танысу кеші;

5. «Talant time» шығармашылық байқауы;

6. «Балдәурен – көп ұлтты» спорттық-танымдық ойыны;

7. «Лингвистика – тіл туралы ғылым» педагогикалық вернисаж;

8. «Dance palette» би марафоны;

9. Мағжан  Жұмабаевтың 130 жылдығына арналған әдеби танымдық кеші;

10. «Олимпия» спорттық мерекесі;

11. «Happy Birthday!» туған күн иелеріне арналған кеш;

12. «Проще простого» линвистикалық интеллектуалды ойыны;

13. 2023 жылдың 12-ауысымының салтанатты жабылуы және гала концерт.

 

 

Біздің мекен-жай: 021700, «Балдәурен», РОСО» РМҚК Ақмола облысы, Щучинск қаласы, Щучье көлінің оңтүстік-батыс бөлігі.

Телефон/факс: 8 (71636) 7-91-34 (қабылдау бөлмесі) 

Е-mail: baldauren@mail.ru