«Балдәурен» Республикалық оқу-сауықтыру орталығы» РМҚК  «Ұйымдастырушы-ұстаз -2020» атты ұйымдастырушы-ұстаздар арасында кәсіби шеберлік байқауын өткізу туралы

ЕРЕЖЕ

I. Жалпы ережелер

1.1. «Балдәурен» Республикалық оқу-сауықтыру орталығы» РМҚК (бұдан әрі – «Балдәурен» РОСО, Орталық) «Ұйымдастырушы-ұстаз – 2020» кәсіби шеберлік байқауын ұйымдастыру және өткізу туралы ережесі (бұдан әрі-Ереже) «Ұйымдастырушы-ұстаз-2020» байқауын (бұдан әрі-Байқау) өткізудің мақсаты мен міндеттерін, тәртібін айқындайды.

1.2.Байқау «Балдәурен» РОСО-да тәрбие үрдісіне жауапты педагог кадрларды ынталандыруға, тәрбиелік әлеуетті жетілдіруге және арттыруға, педагог-ұйымдастырушылардың мәртебесін көтеруге ықпал етуге бағытталған.

II. Мақсаттары мен міндеттері

Мақсаты:

          Байқау ұйымдастырушы-ұстаздардың мәртебесі мен кәсіби шеберлігін арттыру мақсатында өткізіледі.

Міндеттері:

ұйымдастырушы-ұстаздың жұмысын ынталандыру;

ұйымдастырушы-ұстаздың беделін арттыру және оң кәсіби имиджін қалыптастыру;

тиімді жұмыс істейтін ұйымдастырушы-ұстаздарды анықтау;

Байқауға қатысушыларға шығармашылық, кәсіби әлеуетті іске асыруға, уақытша балалар ұжымында балалармен жұмыс саласында авторлық идеяларды генерациялауға, жеке қасиеттерін, дағдыларын, білімін көрсетуге мүмкіндік беру;

балалар демалысын ұйымдастыруда инновациялар, жаңа технологиялар, жұмыс әдістері мен тәсілдерін іздеуге жәрдемдесу.

III. Байқауды ұйымдастырушылар

3.1. Байқаудың ұйымдастырушысы— «Балдәурен» РОСО» РМҚК Бас дирекциясы.

3.2. Ұйымдастыру комитеті -Орталықтың Ғылыми-әдістемелік бөлімі.

3.3. Ұйымдастыру комитетінің атқаратын қызметі:

Байқауды дайындау және өткізу;

байқау материалдарын Байқауға қабылдау;

Байқау қатысушыларының тізімін қалыптастыру;

Байқау комиссиясының мүшелерін іріктеу;

бағалау парақтарын дайындау;

 Байқауды ақпараттық қолдау;

Байқау жеңімпаздарын марапаттауды ұйымдастыру;

Байқау қорытындысы бойынша хаттаманы ресімдеу;

Байқау қорытындыларын «Балдәурен» РОСО ресми сайтында, Орталықтың әлеуметтік желілерінде орналастыру.

IV. Байқауды өткізу тәртібі

4.1. Байқау екі кезеңде өткізіледі - сырттай, тікелей қатысу.

4.2. Байқаудың бірінші кезеңі (сырттай қатысу) 2020 жылғы 10-12 қараша аралығында өткізіледі.

4.3. Байқаудың екінші кезеңі (тікелей қатысу) 2020 жылғы 27-қарашада өткізіледі.

V.  Байқауды өткізу кезеңдері

5.1. Байқаудың I кезеңі (сырттай) байқауға қатысушылар ұсынған материалдардың сараптамасын білдіреді.

Байқау материалдары Ұйымдастыру комитетіне 2020 жылғы 06-09 қарашада сағ. 15.00-ге дейін ұсынылады.

Ұйымдастыру комитеті 2020 жылғы 09 қарашада байқау материалдарын сараптау комиссиясына береді.

2020 жылғы 06-қарашада Байқауға қатысушылар сағат 16.30-да 17- кабинетте «Менің таңдауым: ұйымдастырушы-ұстаз» атты эссе жазады.

Байқауға қатысушылар қарауға мынадай материалдарды электрондық және баспа нұсқаларында ұсынады:

- Байқауға қатысушының өтінімі (1 Қосымша );

-қатысушы, білімі, жұмыс өтілі, біліктілігін арттыру туралы мәліметтерді, «Менің таңдауым: ұйымдастырушы-ұстаз» эссесін, өз бетінше білім алу тақырыбын, жарияланымдарын, сөйлеген сөздерін, баяндамаларын, марапаттарын, грамоталарын қамтитын «Ұйымдастырушы-ұстаздың портфолиосы» папкасы (2-Қосымша);

- Авторлық әзірлеменің, іс-шараның, бағдарламаның электрондық нұсқадағы (Microsoft Office PowerPoint) тұсаукесері.

5.2. I кезеңнің қорытындысы бойынша Байқаудың II (тікелей қатысу) кезеңіне қатысатын қатысушыларды іріктеу жүргізіледі.

5.3. Байқаудың II кезеңі (тікелей қатысу) өзін-өзі таныстыру және байқаудың іс-шараларына қатысуды білдіреді (3-Қосымша).

VI. Байқаудың сараптау комиссиясы

6.1. Байқауға қатысушылардың кәсіби және қоғамдық қызметіндегі жетістіктерін бағалау, оларды Байқаудың II (тікелей қатысу) кезеңіне қатысу үшін іріктеу және Байқау жеңімпаздарын айқындау мақсатында сараптау комиссиясы құрылады.

6.2. Сараптау комиссиясының құрамын, сондай-ақ ондағы өзгерістерді Байқаудың Ұйымдастыру комитеті айқындайды.

6.3. Байқау басталғанға дейін сараптау комиссиясының нұсқаулық-әдістемелік кеңесі өткізіледі, онда төрешілік рәсімі және барлық ұйымдастырушылық-техникалық мәселелер талқыланады.

VII. Байқау қорытындысын шығару

7.1. Байқау жеңімпаздары I, II, III дәрежелі сыйлықтармен және дипломдармен марапатталады.

7.2. Байқаудың барлық қатысушыларына қатысқаны үшін сертификаттар беріледі.

7.3. Байқау жеңімпазы (1 орын) «Орталықтың үздік қызметкері» байқауы аясында сыйлық алуға үміткер бола алады.

Қосымша 1

 «Балдәурен» Республикалық оқу-сауықтыру орталығы» РМҚК  «Ұйымдастырушы-ұстаз -2020» атты ұйымдастырушы-ұстаздар арасында кәсіби шеберлік байқауына қатысуға өтінім

       Күні                                                                                                 Қолы

______________                                                                              ______________

                                                                                                                                                                                                         Қосымша 2

«Ұйымдастырушы- ұстаз портфолиосын»

 ресімдеуге қойылатын талаптар

1. Титул парағы.

2. Фотосурет

3. Түйіндеме .

4.Құжаттар:

- жеке куәлік көшірмесі;

- диплом көшірмесі;

- еңбек кітапшасының көшірмесі;

- біліктілікті арттыру курстары сертификаттарының көшірмесі;

- біліктілік санатын беру туралы куәліктің көшірмесі(болған жағдайда).

5. Авторлық әзірлемелер:

 - жалпылагерлік іс-шаралардың әзірлемесі;

-  ойындардың әзірлемесі;

 - педвернисаждың (топтық іс-шараның) әзірлемесі.

6. Әдістемелік тақырып бойынша жұмыс (өздігінен білім алу):

- таңдаған әдістемелік тақырыбың атауы;

- әдістемелік тақырып бойынша жұмыс жоспары;

-әдістемелік тақырыпты жүзеге асырудың әдіс-тәсілдері;

- әдістемелік тақырыпты іске асыру бойынша авторлық әзірлеме.

7.Мерзімді басылымдардағы, сайттардағы, әлеуметтік желілердегі жарияланымдар.

 8. Кәсіби жетістіктерін растайтын құжаттардың (грамоталар, дипломдар, сертификаттар) көшірмелері.

     *** Авторлық әдістемелік әзірлеменің (Microsoft Office PowerPoint) электрондық нұсқасындағы презентациясы: іс-шаралар, бағдарламалар. Көрсету керек:

- тақырыбы, автор; тәрбиелік бағыты; негізділігі (өзектілігі, маңыздылығы, жаңалығы); мақсаттары, міндеттері; әдістері, тәсілдері; күтілетін нәтиже; іс-шараның барысы; әдебиеттер тізімі және пайдаланылған интернет-ресурстар.

Эссе жазуға қойылатын талаптар

 Байқауға қатысушының жұмысы оның жеке және азаматтық ұстанымын, ұйымдастырушы -ұстаздың мамандығына өзіндік көзқарасын, педагогтың алдында тұрған міндеттерді, өз білімін жетілдіру және балалар демалысын дамыту жөніндегі жаңа идеяларды көрсетуі тиіс.

 Өтетін күні: 06.11.2020 ж., сағат 16.30

Эссе көлемі – А4 форматындағы 2 бет

Бағалау критерийлері:

- мазмұнының тақырыпқа сәйкестілігі;

- сауаттылығы;

- мазмұнының дәйектілігі;

- эссені рәсімдеуі.

                                                                                                                                              Қосымша 2

Байқаудың II кезеңі

Байқаудың II кезеңі мынадай  іс-шаралардан тұрады:

 - өзін-өзі таныстыру;

- педагогикалық жағдаяттарды шешу;

- өз өнерін көрсету.

«Өзін - өзі таныстыру», «Педагогикалық жағдайларды  шешу» турлары-

2020 ж. 27- қарашада сағат 14.00-де, концерт залы.

«Шығармашылық өнер» туры-2020 ж. 27 қарашада сағат 17.00-де, концерт залы.

* Өзін-өзі таныстыру

Қатысушылар өзін-өзі таныстыруда шығармашылықпен дайындалуы қажет.

Регламент-3 минуттан аспайды.

Бағалау критерийлері:

- идеяның өзіндік ерекшелігі;

- әртүрлі әдістерді қолдану;

- мазмұндылығы;

 - әртістігі;

- сыртқы келбеті;

- регламенттен аспау.

* Педагогикалық жағдаяттарды шешу

 Қатысушы мәселені, балалардың жасы көрсетілген бір педагогикалық  жағдаятты алады. Міндеті-мәселенің шешімін табу.

Бағалау критерийлері:

- шешімді тез таба білу;

- жағдайды шешудің өзіндік ерекшелігі;

- жағдайды шешудің ұсынылған әдісінің негізділігі.

* Шығармашылық өнер көрсету

Байқауға қатысушының шығармашылық өнер көрсетуі. Жанрды, өнер көрсету құрылымын қатысушы өз бетінше таңдайды. Өнер көрсету форматы шығармашылық құрамды (вокал, би өнері, музыкалық аспаптарда ойнау, пантомима, актерлік шеберлік және т.б.), сондай-ақ реквизитті (сахналық костюмдер, декорациялар), техникалық және мультимедиялық құралдарды пайдалануды қамтиды.

Регламент-3-5 минут.

Бағалау критерийлері:

 -бейнелеуі

, орындау креативтілігі;

- сахналық мәдениет;

- әртістігі;

- сыртқы келбеті;

- регламентті сақтау.