Қашықтықтан оқыту туралы мақала

2020.10.21

Рассказать:

Бүгінгі таңнын талабы – қашықтықтан оқыту

Қашықтықтан оқыту көп жылдан бері оқу орындарында дәстүрлі түрде өз орнын тауып келген оқытудың бір түрі екендігі бәрімізге мәлім. Дегенмен, қазіргі таңда әлемде болып жатқан індеттің таралуына байланысты бұл оқыту түрінің маңыздылығы арта түсті. Себебі еліміздегі мектептер Covid-19-дың таралу қаупіне байланысты өз жұмыстарын тоқтатып, оқушыларды қашықтықтан оқытуға кірісті. Ал қашықтықтан оқыту босаңсуға жол бермейді, өйткені қазіргі заманғы технологиялар оқу үрдісінің барлық кезеңдерін қашықтық форматқа көшіруге толығымен мүмкіндік береді. Яғни, қашықтықтан оқыту карантин жағдайында оқу үрдісін жалғастыруға мүмкіншілік туғызып отыр. «Балдәурен» Республикалық оқу-сауықтыру орталығы да балаларды қабылдауын тоқтатқанымен, орталықтың педагогтары қашықтықтан жұмыс жасауын жалғастырып жатыр. Бәрімізге белгілі қашықтықтан оқытуды ұйымдастырудың үш түрлі формасы бар: онлайн және оффлайн, және кең таралған үшінші түрі - вебинар. Әрине, Орталығымыздың ерекшелігіне сай уақытша балалар демалу орталығы болғандықтан, онлайн режимде мұғалім мен оқушы арасында оқыту жүргізіліп жатпағанымен, оффлайн режимде жұмыс жүріп жатыр. Яғни, орталықтың әлеуметтік желілерінде «Зияткерлік марафон» атты айдарында мұғалімдер өз пәндері бойынша балдәурендіктерге арналған қызықты бейне-тапсырмалар беріп, кері байланыс алып жатса, «Сен білесің бе?» айдарында пәндер бойынша қызықты ақпараттарды беруде. Сондай-ақ, өз білімдерін жетілдіру мақсатымен Орталық педагогтары мұғалімдерге арналған онлайн жүйесінде өтетін сан алуан олимпиада, семинар конференцияларға да қатысуда. «Балдәурен» өз филиалдарындағы («Балдәурен» РОСО, Қапшағай қ., «Балдәурен» РОСО, Балхаш қ., «Балдәурен» РОСО, Түркістан обл.) педагогтармен тығыз жұмыс жасауда. Қашықтықтан оқытуды ұйымдастырудың үшінші түрі – вебинарлар өткізу, күнделікті жұмысқа айналды. Әр филиал мұғалімдері “Zoom”, “Go to meеting” платформаларында түрлі тақырыпта өз тәжірибелерімен бөлісіп, қашықтық педагогикалық оқуларға қатысып, өзара коучинг-тренингтер өткізуде. («Сабақты зерттеу тәсілдері» – Г. Кожахметова, С. Калиева, К. Жусупова, Г. Даулбаева. «Мәтін талдаудағы тиімді әдістер» – Б. Игесенова». «Заманауи оқыту әдістемелерінің жеті негізгі модулі» – Т.Таутанова. «Применение ЭОР на уроках математики» – К.Нусупова. және т.б.). Осылайша әр орталық бір-бірімен тығыз байланыста бола компьютерлік техниканы ұтымды пайдалана

отырып, үздіксіз тәжірибе алмасуды іске асыруда.

Әрине, кез келген оқыту түрі біржақты бола бермейді. Яғни, оның өз артықшылықтары мен кемшіліктері де болады. Қашықтықтан оқыту түрінің еркіндігі мен икемділігі, географиялық жағдайға қарамайтын, кез-келген тұлғаның білім алу қажеттіліктерін қанағаттандыруға мүмкіндік тудыратын артықшылығы бар болғанымен, қашықтықтан жұмыс істеу кезінде қатысушылардың бір-бірімен жеке байланысы аз, кейде мүлдем жоқ деп те айтуға болады. Сондықтан мұндай оқыту нысаны коммуникабельділік, сенімділік, командада жұмыс істеу дағдыларын дамыту үшін қолайлы емес. Дегенмен, карантин аяқталып, өз жұмыс орнымызға оралған жағдайда дәстүрлі оқыту түрімен қатар қашықтықтан оқыту түрін де бірге ала жүреміз деген ойдамыз. Себебі жаңа ғасыр адамзаттан оның кәсіби қызметіндегі барлық өзгерістерді біліп, үнемі білім деңгейін жетілдіріп отыруды қажет етеді.

Кажкенова Айнаш Каматаевна – «Балдәурен» РОСО-ның ағылшын тілі пәні мұғалімі

«Көңілді бастаулардан – Олимпиада шыңына дейін!» мектеп оқушыларының спартакиадасы 11 онлайн-ауысымының БАСПАСӨЗ ХАБАРЛАМАСЫ (13.08-27.08.2020.)

&n..

2020.08.13

2020 жылғы «Туған жер – алтын бесік» Халықаралық балалар құрылтайы 10 онлайн-ауысымының БАСПАСӨЗ ХАБАРЛАМАСЫ (27.07-10.08.2020 ж.)

2020 жылдың 27 шілдесінен 10 тамызына дейін &n..

2020.07.28

Ваше мнение очень важно для нас!

БАЛДАУРЕН