Педагогикалық жасақтардың Республикалық

Слетін өткізу ережесі

ЖАЛПЫ ЕРЕЖЕЛЕР

Осы ереже, студенттік педагогикалық жасақтардың шығармашылық бастамаларын жандандыру және қолдауға бағытталған педагогикалық жасақтардың Республикалық слетін (бұдан әрі – Слет) ұйымдастыру мен өткізу тәртібін анықтайды.

Осы Ереже, Слеттің форматы мен өткізу мерзімдерін және қатысушыларға қойылатын талаптарды анықтайды.

2. МАҚСАТЫ МЕН МІНДЕТІ

2.1          Слеттің мақсаты –  орталық базасында балалар демалысын ұйымдастыру және сауықтандыру кеңістігінде Слетке қатысушылардың кәсіби шеберліктерін арттыру, үнемі өзін-өзі дамыту, жетілдіру қажеттіліктерін қалыптастыру негізінде тәжірибе алмасу алаңдарын құру болып табылады.

2.2  Слеттің міндеттері:

жастарды ұйымдастырудың тиімді түрі ретінде Қазақстан Республикасы студенттік педагогикалық жасақтар қозғалысын насихаттау;

педагогикалық жасақтар арасында кәсіби және мәдени байланыстарын, дамыту және нығайту;

жазғы демалыс кеңістігінде инновациялық бағдарламаларды іске асыру;

ең үздік педагогикалық жасақтар мен қатысушыларды анықтау және қолдау;

қазіргі заманғы ұйымдастырушы -ұстаздың жағымды имиджін қалыптастыру.

3. СЛЕТТІ ӨТКІЗУ МЕРЗІМІ МЕН ОРНЫ.

                Слет 2017 жылдың 1-4 сәуірде Ақмола облысы, Щучье қаласындағы «Балдәурен» РМҚК РОСО базасында өткізіледі.

4. СЛЕТ БАСШЫЛЫҒЫ.

4.1 Жалпы слетті басқаруды ұйымдастыру комитеті жүзеге асырады (бұдан әрі – Ұйымдастыру комитеті).  

Ұйымдастыру комитеті:

Слетке қатысу өтінімдерін жинақтайды;

Слеттің жүру барысын ұйымдастырумен, ақпаратпен және консультативтік қамтамасыз етеді;

қатысушылардың қатысуы туралы өтінімі және тізімі Ұйымдастыру комитетіне мына электрондық мекен-жай бойынша жіберіледі: baldauren@mail.ru немесе jan_zko@mail.ru, siko_kam@ mail.ru (№1 қосымша)

4.2  Сандық құрамы - 10 адамнан аспауы тиіс. Команданы жетекші алып жүреді.

                Өтінімдер 2017 жылдың 20 наурызына дейін қабылданады.

СЛЕТТІ ҚАРЖЫЛАНДЫРУ.

Слетке қатысу құны тәулігіне 3500 теңгені құрайды. Оның ішіне Слетке қатысушылардың 3 рет тамақтануы, тұруы, оқу курсына, шеберлік сыныптарға қатысуы және "Бурабай" МҰТП саяхат кіреді.

6. СЛЕТТІ ӨТКІЗУ ТӘРТІБІ.

6.1 «ТЖТ» (топтық жұмыс түрлерінің көрме-презентациясы).

Көрме жұмыстары 1-сәуір Слеттің бірінші күні өтеді. Педагогикалық жасақтардың жасаған жұмыстары бойынша көрмеде педагогикалық жасақтардың жұмысы жөніндегі презентация (видеоролик немесе Power Point презентация), үлестірме материалдар, буклеттер, әдістемелік нұсқаулықтар, педагогикалық жасақтың атрибутикасы, аңыздар қоржыны, әндер, ойын технологиялары, мәдени-демалыс іс-шараларының сценарийлері, көрме материалдарында жасақ туралы ақпараттар көрсетілуі шарт.

Бағалау критерийлері:

презентация материалдарының ерекше түсіндірілуі;

 көрме материалдарының креативті безендірілуі;

көрменің көркемдік талғамы, идеяның сапалы орындалуы;

педагогикалық жасақтың жазғы маусымдардағы жұмысының көрінісі;

мазмұндылығы (балалар демалыс орталықтар мен лагерлерінің, тәлімгерлік қызметы, педагогикалық жасақ жұмысының ерекшеліктері тақырыбын ашу)

көрме материалдарының тұтастығы (материалды орналастыру тәртібі, композицияның жалпы көрінісі)

Көрме презентациясының қорытындысы бойынша үздік презентациялар анықталып, номинациялар бойынша марапатталады. Әділқазылар алқасы бағалайды.

6.2 Топтық жұмыс түрлері (ТЖТ).

2-3 сәуір күндері өтеді. Слет қатысушылары топтық жұмыс түрлерінің тақырыбын және жанрын (стилін) өздері таңдайды. Бағдарламаны екі қатысушы бірігіп қорғауға болады және ол мектеп жасындағы балаларға сай болуы тиіс. Қатысушылардың қатысу реті жеребе бойынша анықталады, бағдарламаның уақыты бойынша ұзақтығы 30 минут. Өздерімен бірге топтық жұмыс түрлерінің сценарийі баспадан шығарылған күйде және электронды тасымалдауышта болуы керек. Әділқазылар алқасы бағалайды.

Топтық жұмыс түрлерін дайындаудағы әдістеме құрылымы:

қысқаша сипаттамасы - дайындалған жұмыстың мазмұны мен түрін бірден байқауға мүмкіндік береді;

ұсынылатын жұмыстың мақсат-міндеттерін анықтау;

дайындалған жұмыстың балалардың жасына сай алынуы (5-пен 9-сыныптар аралығы);

безендіру - өтілетін орнын көрсету; (спорт залы, театр залы (студия) (100 орынға дейін), концерт залы (250 орын), топтық бөлме 15-20 орынға дейін, оқыту класстар 20-25 орынға).

дайындалған жұмыстың әр кезеңіне сипаттама беру арқылы негізгі болатын істі баяндау;

жұмыстың қолданылуы. (ұйымның шешімімен алынған топтық жұмыс түрлерінің ауысым міндеттерін жүзеге асырудағы алатын орны (қай кезеңде қолданған тиімді) мен рөлі)

Ұйымдастырушы-ұстаздардың толық дайындығы. (жұмысты дайындау барысында неге аса көңіл аудару керек, не істелді, қандай /ең негізгі/ әдістер қолданылды және т.б.)

Қолданылған әдебиеттер тізімінде атауы, авторы, басылымы, шығарылған жылы, беттерінің нөмірлері көрсетілуі тиіс.

                Бағалау критерийлері:

ұйымдастырушылық қабілеті  және балаларды қызықтыра алуы ескеріледі;

БДО (балалар демалыс орталығы)  уақытша балалар ұжымының бос уақытын дұрыс ұйымдастырудағы ерекшеліктерді білу;

балалардың психологиялық жас ерекшеліктерін білу;

қатысушының жеке тұлға ретінде шығармашылық даму деңгейі (жеке дағдысы, білімі, іскерлігі);

ұйымдастырушы-ұстаздың коммуникативтік дағдысы;  

әдістемелік дайындығының деңгейі;

кәсіби педагогикалық шеберлігі;

қатысушы мәдениетілігінің деңгейі (сөйлеген сөзі, мәнері, қоғамда өзін дұрыс ұстау ережелері мен нормаларын білуі, әдептілік ережелерін сақтауы және т.с.с);

музыкалық материалдарды, оның әдістемелік қолданысын, тректер туралы мәліметтердің сапасын, музыкалық компиляция, әртістілігін, мәдени деңгейін білуі;

тақырыптың ұтымды таңдалуы және жалпы материалдың сапасы;

7. ОҚЫТУ КУРСЫ.

                Слеттің негізгі бағдарламасына қосымша мынадай жұмыстар

жүргізіледі:

 «Веревочный курс» психологиялық тренинг. Бағдарламада тәжірибе алмасу бағытында тренингтер, шеберлік-сыныптар болады.

 Дөңгелек үстел.

 Слет қатысушыларына "Бурабай"МҰТП саяхаты ұйымдастырылады.

 волейбол (3ұл,3қыз), үстел үсті теннисі (1ұ,1қ), тоғыз құмалақ (1ұ,1қ), жүзу (1ұ,1қ), шахмат (1ұ,1қ), эстафетадан (3ұ,3қ) спорттық жарыстар өтетін болады.

 ұйымдастырушы-ұстаздар ұжымының концерті.

8. ҚОРЫТЫНДЫЛАУ.

4 сәуір күні бағдарламаның жабылу салтанатында Слеттің қорытындысы шығарылатын болады. Топтық жұмыс түрлерін жүргізу барысында қатысқан әрбір қатысушы Слетке қатысқандығы жөнінде сертификатқа ие болады. Қосымша номинациялар топтық жұмыс түрлері бойынша әділқазы алқасының шешімімен ерекше көзге түскен қатысушыларға беріледі.

                Слеттің ұйымдастырылуы мен өтуі бойынша сұрақтармен ұйымдастыру комитетіне хабарласуға болады:

тел. 87163679211 – Баржақсымов Бірлік Қадырбекұлы;

тел: 87163679134 (122) - ғылыми-әдістемелік бөлім.

1-қосымша Педагогикалық жасақтардың Республикалық слетіне қатысу үшін ӨТІНІМ