«Балдәурендегі» қызығушылық үйірмелері

2020.09.28

Рассказать:

Бүгінгі заман – бәсекелестік пен жоғары технологиялар заманы, ғылым мен білім заманы. Сондықтан адамзат қиял жетпес ғажаптарға қол созады. Білім беру бағдарламасының басты мақсаты – әрбір оқушыға түбегейлі білім беру, дәстүрлі мәдениеттің негіздерін үйрете отырып, оларға қолайлы жағдай жасау. Иә, қазіргі өркениетке ұмтылған қоғам талабына сай еліміздің дамыған елдермен қатар тұруы және ұлтымыздың болашағы үшін зерделі, білімді, өз бетімен іс-әрекет ете алатын, қоғамда өз орны болатын шәкірттерді дайындау біздің ұстаздарымыздың міндеті .

Осыған байланысты «Балдәуренде» ауысым барысында өткізілетін қызығушылық үйірмелері ұстаздарының жұмысы оқушыны зерттеу, икемділігін анықтау, бағыт-бағдар беру, үйрету, қызықтыру және нәтижеге қол жеткізіп, ынталандыруға бағытталған. Әр баланың шығармашылық қабілеттерін дамыту мақсатында Орталығымызда арнайы қосымша білім беру ұстаздары балалардың қызығушылықтары бойынша үйірмелер өткізеді.

Ал, балалар мен шығармашылық - ол ажырамайтын ұғымдар. Себебі, балалар сурет салуды, мүсіндеуді, кесуді және жапсыруды, құрастыруды өте жақсы көреді. Десек те, барлық бала суретші болмағанмен, олар өздерінің шығармашылық қабілеттерін «Радуга» шығармашылық студиясында дамытады. «Авиамоделдеу» үйірмесінде балалар ұшақтар мен планерлердің түрлі үлгілерін құрастыруды үйренеді. «Робототехника» сабағында балалар робототехникалық жиынтықтармен жұмыс істейді, роботтарды жинайды және бағдарламалайды.

«Жас шебер» студиясында балалар гипстен фигураларды жасайды, оны бояп, соның нәтижесінде кәдесый өнімдері шығады. «Фантазия» студиясында балалар пішу мен тігуді үйрене отырып, сахналық, жаңа жылдық костюмдерді дайындауға қатысады. «Алтын қалам» студиясы яғни, жіппен сурет салу өнері әртүрлі жастағы балалар үшін өте қызықты сабақ болып табылады. Бұл техниканы игеру қиын емес, тіпті алғашқы байқау жұмыстары да әдемі болып шығатындықтан, балаларды одан сайын шығармашылыққа баули түседі. Біздің Орталығымыздың қосымша білім беру педагогтарының басты бағыты – қызығушылықтары арқылы табысты адам болуға тәрбиелеу, ал табысты адам-бұл әрқашан шығармашылық дарынды тұлға екені бәрімізге мәлім.

Қызығушылық үйірмелерінде оқушы тек мұғалімнің үйретуімен бұйым түрлерін жасаумен шектеліп қоймай, сонымен бірге оған талдау жасап, жасалу, өңделу технологиясына да өз ой-пікірлері мен ұсыныстарын айтуға дағдыланады. Осылайша балалар әр түрлі шығармаларды зерттей отырып, баға берумен өз бойларында келешек кәсіби ісіне қажетті эстетикалық, ұлттық, этикалық бағалы қасиеттерді қалыптастырады.

«Көңілді бастаулардан – Олимпиада шыңына дейін!» мектеп оқушыларының спартакиадасы 11 онлайн-ауысымының БАСПАСӨЗ ХАБАРЛАМАСЫ (13.08-27.08.2020.)

&n..

2020.08.13

2020 жылғы «Туған жер – алтын бесік» Халықаралық балалар құрылтайы 10 онлайн-ауысымының БАСПАСӨЗ ХАБАРЛАМАСЫ (27.07-10.08.2020 ж.)

2020 жылдың 27 шілдесінен 10 тамызына дейін &n..

2020.07.28

Ваше мнение очень важно для нас!

БАЛДАУРЕН