2018  жылдың 16 ауысымының бағдарламасы

«Жаңа жыл Дәуірі»

     Жаңа жыл  — әлем халықтарының барлық ұлт пен ұлысы атап өтетін, асыға күтетін салтанатты шара. Жаңа жыл сияқты өзіндік дәстүрге мол, көңілді шаттыққа бөлеп, жүрекке ерекше жылулық сыйлайтын, қуаныш пен ғажайыпқа толы, сыйлыққа мол мейрам жоқ шығар. Әлем халықтары үшін ортақ мереке болғандықтан, әр халықта оны қарсы алудың өзіндік дәстүрлері қалыптасқан.  Тіпті, халық арасында «Жаңа жылды қалай қарсы алсаң, жыл бойы сондай көңілде боласың» деген ұғым қалыптасқан.  Жаңа жыл жақындаған сайын, әлем ертегіге саяхат жасағандай, ғажайып болатындай күйге енеді. Әр халық әр түрлі ғұрыпта атап өтеді. Әр халықтың діні мен ділі, әдет-ғұрпы мен салты өзгеше болғанымен, барлығына ортақ Жаңа жыл кейіпкерлері бар. Біздің санамыздағы Аяз ата – көзі мейірімге толы, бетінде қызылы бар, дорбасы кәмпитке толы. Ал, жаңа жылдық шырша –   түсі қанық көк, тікенектері бар, хош иісті. Барлығында олай емес. Бұл жаңа жылдық атрибуттар нақты бір елде немесе белгілі бір уақытта пайда болды деп айту қиын.  Қазіргі уақытта атап өтілетін Жаңа жыл мейрамы – көптеген халықтардың аңызы мен ақиқаты астарласқан, нанымы мен сенімдері тоғысқан ұғымдарының нәтижесі. Шыршаға келер болсақ, шыршаны безендіруде ең басты орында – төбесіндегі жұлдызы. Ол рождество түнінде түңілген шыршаның аспаннан мол сый алғанын еске түсіреді. Екінші жағынан, жоғарғы жақтағы жұлдыздың сәулесі, әлемнің шыңын, жоғарыға ұмтылысын тұспалдайды. 

     Римдіктер үшін Жаңа жылдың алғашқы күні 1 қаңтар болып есептелінген. Б.з.д. 46 жылы Рим императоры Юлий Цезарь мерекені тойлауды жаңа күнтізбеге енгізіп, бекіткен. Осы күнге дейін әлемнің көптеген халқы Жаңа жылды григориан күнтізбесі бойынша  1 қаңтарға қараған түнде атап өтеді.  Қазақ халқы үшін Жаңа жыл күн мен түн теңелген 22 наурыз күні атап өтіледі. Жаңа жыл мейрамының басқа мейрамдардан бірнеше өзгешеліктерін атап өткіміз келеді.

         Біріншіден, ұзақтық. Тәулік бойы адамдар ұйықтамайды (кейібірі одан да көп), тоқтаусыз көңіл көтеріп, қыдырады,  бір-бірінің үйіне қонаққа барады. Осының барлығы кең жайылған дастарқан, түрлі көңіл ойын-сауықтарға ұласады.

         Екіншіден, Жаңа жылға сыйлық тарту - басты дәстүр (Туған күннен өзгешелігі—барлығына)! Балаларға сыйлықты шыршаның түбіне жасырып, Аяз Ата әкелді деп айтады.

         Үшіншіден, атрибуттар мен дәстүрлердің молдығы: Аяз ата, Ақшақар, шырша, шыршаны айналу, мандариндер, президенттің жаңа жылдық құттықтауы, пиротехника және т.б. Адамдар жаңа жылға ертерек қамданып, азық түліктер алып, сыйлық, тілектер мен үміттер күтеді. 

         Төртіншіден, туысқандармен кездесу. Жаңа Жылда жақындар дастарқан басына жиналып,  алдымен ескі жылды «шығарып салып», жылдың басты, есте қалған оқиғаларын еске түсіреді.  0:00-де 1 қаңтар күні курант соғуы – Жаңа Жыл келуін жар етіп, ішінен бір тілек тілеу дәстүрге айналған. 

         Ал, ең бастысы Жаңа Жыл  — келесі 12 айдан жаңа бақыт күтіп, сиқырлы түнде айтылған ақжарма тілектер мен аяулы армандар көзге көрінбейтін әлемге жарыса ұшып, орындалады деген үміт...

Жаңа Жыл ересектер мен балалар үшін ең сүйікті мейрам болып саналғандықтан, оған алдын ала дайындық қажет. «Балдәурен» Республикалық оқу-сауықтыру орталығында да дайындық басталуда. 

2018 жылдың 8-27 желтоқсаны аралығында Халықаралық, Республикалық, облыстық сайыстар мен фестивальдарының лауреаттарын, дипломанттарын, жас әншілер мен бишілерді, халық орындаушылары мен ақындарды, белсенділерді, шығармашылық ұжымдарды біріктіретін «Балдәурен» РМҚК РОСО-да «Жаңа жыл дәуірі» ауысымы өтеді. Балаларды қызықты әрі қанық  бағдарлама күтуде.  

Бұл кезең – дәстүрлі мереке мен ғажайып көріністер кезеңі болмақ. Балдәурендіктің әр қайсысы жаңа жылдық ән шашулар мен ертегілермен танысады. Балалар сансыз ойын-сауықтарға, сайыстарға, мерекелік кештерге, концерттерге қатыса алады. Мейрамның басты оқиғасы – ҚР Президенті Н.Ә.Назарбаевтың бейнеқұттықтауы, Елбасы балаларды келе жатқан Жаңа Жылмен құттықтап, жылылыққа толы лебізін білдіреді. Ойын-сауық бағдарламасының соңында әрбір балақай еліміздің Президенті атынан  сыйлық алады.

Ауысымның мақсаты мен бағдарламасы «Балдәурен» үшін маңызы бар ерекшеліктер мен оқиғалармен сабақтасқан: «Балдәуреннің» туған күні (14 жеотоқсан), Қазақстан Республикасының Тәуелсіздік Күні – (16 желтоқсан), Жаңа Жылдық мейрам (1,2 қаңтар).

Ауысымның басты мақсаты болып, баланың шығармашылық қабілеттерін анықтап,  дамытуға жағдай жасайтын оңтайлы жағдай жасау.

Ауысымның басты міндеті болып, келесі жағдай жасау:

-   құрбылары мен ересектер арасындағы іскери ынтымақтастық тәжірибесін кеңейту;  

-   эмоционалды ая шеңберін, өмірді эстетикалық қабылдауды дамыту мен байыту;

      - танымдық үрдісті ынталандыру;

-   жасақ ішінде, жасақтар арасында мерекелік күй, эмоционалды бірлік құру;

-балалардың шығармашылық қабілеттерін, адамгершілік тазалығы мен өмірге деген эстетикалық көзқарасына, сахналық шеберлікке тәрбиелеу. 

Ауысымда балалар мен жасөспірімдердің әрекет аясы 

Жасақ. Оның моделі (құрылымы, өзіндік басқару органдары, жұмыс жасау жоспары) педагогтар мен балалармен бірлесіп анықталады. Жасақтың дамуы оның күнделігінде көрінісін табады.

Жасақтың өзін-өзі басқару органдары. Олардың басты мақсаты – ауысымды басқару мен жұмысын үйлестіру: балалардың ұйымдастырушылық және көшбасшылық қабілеттерін Баспасөз орталығының, белгілі бір міндеттерді шешу мақсатында құрылған шығармашылық, спорттық және басқа да уақытша құрылған құрылымдар көмегімен іске асыруына жағдай жасау.

Үйірмелер. Балалар мен жасөспірімдердің демалыс әрекетінің нысаны. Балалар үйірмені өз қызығушылықтарына қарай, дербес таңдайды.

Сайыстық бағдарламалар. Олардың басты мақсаты – ауысым қатысушыларына қызығушылығы мен қабілеттеріне қарай түрлі шығармашылық  әрекетте өзін көрсеті. Сайыстық бағдарламалар лагерь педагогтарымен, балалар және шығармашылық бірлескен топтармен өткізіледі.  

Спорттық-салауаттандыру бағдарламалары. Балалар спорт пен денсаулық сағаттарын ерекше жақсы көреді. Олар қозғалыс белсенділігін түрлендіріп, бала тәжірибесін байытады, оны салауатты өмір салтына бейімдейді. Спорт пен денсаулық сағаттары барлық балаларға тәрбие, медициналық және спорттық кешендермен өткізіледі.

Мерекелер. Лагерьдегі тақырыптық күндер мен жалпы шаралар. Балалардың, педагогтар мен балалар арасындағы өзара қарым-қатынасын жақсарту мақсатында өткізіледі. Шараларды орталық педагогтары балалармен бірлесіп өткізеді.

Жаңа жылдық ауысымның барлық қатысушыларын қызықты сайыстар мен викториналар, ойындар мен концерттер, жаңа жылдық тосын сыйлар күтуде, әр бір балаға өз қабілетін ашуға, талант шырағын жағуға мүмкіндік ашылады.

Ауысымның бағдарламасы аясында келесі шаралардың өткізілуі жоспарлануды:

•  «Frends will be Friends» жасақтар таныстырылымының кеші
• 16 ауысым президентін сайлау
•  Ауысымның ашылу және жабылу салтанаты
• «Жастар»  педагогикалық жасағының концерті
• «Шығармашылық толқында!» шығармашылық байқауы

·        «Балдәуренің 16 ғажайыбы!» құттықтау концерті

• «Еңсесі биік - Тәуелсіздік» газеттер сайысы
• «Кубик--Рубик» интеллектуалды-танымдық ойын
• «Қазақстан - Ерікті ел!» ҚР Тәуелсіздік Күніне арналған құттықтау концерті
• «Құттықтайды-Балдәурен»

Туған күн иелеріне арналған құттықтау концерті

• СК «Олимпия» спорт күндері
•  «Балдәурен дауысы» вокалды жоба
•  «Жаңажылдық шарықтау» мюзиклдар сайысы   
•  
•  
•  
• Гала-концерт
•