Отанға ерекше көзқарас,

оның мәдениеті, әдет-ғұрыптары, дәстүрлері -

  бұл патриотизмнің маңызды ерекшелігі.

Н.Ә.Назарбаев

Елбасы Н.Ә.Назарбаев «Болашаққа бағдар: рухани жаңғыру» атты мақаласында біздің халқымыз үшін қоғамдық сананы жаңғырту бойынша еліміздегі дамудың жаңа сапалы деңгейіне көтеретін көлемді міндеттер мен жаңа көкжиектер көрсетілген.

"Рухани жаңғыру" бағдарламасы аясында алға қойған міндеттерді іске асыру үшін Қазақстан Республикасының әрбір азаматының рухани-адамгершілік деңгейінің қалыптасуына көп көңіл бөлу керек.

Осыған байланысты, "Балдәурен" РОСО мен ҚР БҒМ бірлесіп 2017 жылдың 1 - 4 қараша аралығында "Туған жер" бағдарламасы – жалпыұлттық патриотизм негізі" тақырыбында екі модуль негізінде: базалық (теориялық) және пәндік-тәжірибелік (тәжірибеге бағытталған) Республикалық жобалаушы семинар-практикум өткізді.

Семинардың тақырыбы «Рухани жаңғыру» бағдарламасының аясында қазақстандық балалардың білім алуы мен тәрбиесі мәселелерін нақтылауды есепке ала отырып белгіленді. Аталған бағыттағы оқушылардың патриоттық тәрбиесін Қазақстандағы жаңғырту үрдістерінің табысты факторы ретінде  қарастыру қажет. Осыған байланысты семинарда өскелең ұрпақтың азаматтық-патриоттық тәрбиесінің өзекті мәселелері, «Туған жер» Бағдарламасын іске асырудың ұйымдастырушылық-әдістемелік аспектілері, өлкетану жұмыстарын ғылыми-әдістемелік алып жүруді ұйымдастыру, білім беру ұйымдарында білім мен тәрбие беру ортасындағы толеранттылықты қалыптастыру мәселелері талқыланды.

Семинар-практикум «Мәңгілік Ел» жалпыұлттық идеясының контекстін түсіну үшін  жас қазақстандықтардың бойында отаншылдық сезімін тәрбиелеу, қазақстандықтардың жаңа санасының моделін қалыптастыру мақсатында ұйымдастырылды.

Іс-шараға ҚР БҒМ "Рухани жаңғыру" Бағдарламасының Орталық жобалау кеңсесінің менеджері Барон Л.А.,  Ы.Алтынсарин ат. ҰБА Үштілділік білім орталығының директоры, педагогика ғылымдарының кандидаты Сырымбетова Л.С., тарих ғылымдарының докторы, профессор, тарих және қоғамтану ғылымдары Академиясының академигі, Л.Н. Гумилев ат.ЕҰУ тарих факультетінің деканы Садыков Т.С., Қазақстандағы "Синергия" Университетінің Бас директоры Касымбергебаев Б.Т., phd докторы, Каспий Мемлекеттік технология және инжиниринг университетінің аға оқытушысы Жұмабаева Л.О., Ақмола облысында инклюзивті білім беруді дамыту бойынша Үйлестіру кеңесінің төрағасы, саясаттану ғылымдарының кандидаты Ибраев М.У., Ақмола облысының ішкі саясат басқармасы, «Рухани жаңғыру» бағдарламасының аймақтағы бас менеджері Азербаева А.К., Алматы облысы «Еңбекшіқазақ аудандық балалар мен жасөспірімдердің туристік және экскурсия орталығы» МҚКК  қосымша  білім  беру педагогы Бутимбаева Ж.М., қалалық, аудандық, облыстық білім басқармаларының, Алматы, Астана қалаларының білім басқармаларының жетекшілері мен мамандары, пән мұғалімдері және «Рухани жаңғыру» бағдарламасының менеджерлері, БАҚ өкілдері қатысты.

Іс-шара барысында Орталықтағы "Үздіктердің үздігі!" жаңа мүмкіндіктер мектебі атты 14 ауысымның қатысушы балалары белсенді өнер көрсетті. «Мен – өз елімнің патриотымын!» атты әдеби-сазды композиция, «Ұлы Дала ұрпақтарының саяхаты» танысу алаңы қатысушыларды әдемі әсерге бөледі. «Балдәурен - көпұлтты» спорттық-зияткерлік ойынын семинарға қатысушылар үлкен ынтамен ойнады. Кешке қонақтардың назарына "Жастар" педагогикалық отряды Орталықтың 15 жылдық мерейтойына арналған «Балдәурен! Мерейтой! Тосынсый!» мерекелік концертін ұсынды. Келесі кезекте семинарға қатысушылар мен ауысымға қатысушы балдәурендіктер бірлесіп "Біздің облыстың мақтанышы" атты акция өткізді. «Біз – Мәңгілік Елдің іргетасын қалаушы Ұлы Дала ұрпағымыз!» атты  патриоттық әндер кеші іс-шараның тақырыбын аша түсті.

«Тимбилдинг фасилитационды білім беру ортасын қалыптастырудың негізі ретінде» тақырыбындағы дөңгелек үстелге "Балдәурен" РОСО Бас директорының ОТЖ жөніндегі орынбасары Байжанова Шолпан Амантайқызы, Орталықтың "Балдәурен-Қапшағай" филиалының директоры Баржақсымов Бірлік Қадырбекұлы, Қостанай облысы білім басқармасының тәрбие жұмысы мен мектепке дейінгі және орта білім бөлімінің тұлғаны әлеуметтендірудің әдістемелік кабинетінің жетекшісі Зуева Татьяна Владимировна, Оңтүстік Қазақстан облысы білім басқармасының бас маманы Жүніс Лаура Ақжігітқызы, Атырау облысының "Рухани жаңғыру" аймақтық кеңсесінің бас менеджері Биманова Орынтай Молдашқызы қатысты. Залда отырған қатысушылардың талқылауы үшін «Қоғамдық сананы жаңғыртудың 100 қадамы» Жобасы – білім беру мекемелерінің негізі тәрбие моделі», «Балалардың тұлғалық дамуы және оларды әлеуметтендіру» тақырыптары ұсынылды.

"Балдәурен" РОСО Бас директорының ОТЖ жөніндегі орынбасары Байжанова Шолпан Амантайқызы жұмыс барысын жоғары деңгейде ұйымдастырып, залда отырғандарды пікірталасқа тарта алды. Өз ойлары мен ұсыныстарын жеткізу үшін залда "еркін микрофон" жұмыс істеп тұрды.     Еліміздің әр аймағынан келген ұстаздар қауымы құнды пікірлер айтып, тың ойларымен бөлісті. Қызметкерлердің еңбектеріне өте жоғары баға беріп, келешекте білім беру ұйымдарында қызмет ететін ұйымдастырушы-ұстаздарға оқыту курстарын өткізуді сұранды. Аймақтарға барып шеберлік сыныптарын жүргізсе деген де ұсыныстар түсті. Алдағы уақытта мұның барлығы ескеріліп, жұмыс жоспарына енгізілетін болады. Семинардың күн тәртібіндегі маңызды мәселелерді және панельдік секцияларды өткізу қорытындысы бойынша Республикалық семинар-практикумның қатысушылары ҚР БҒМ және Ы.Алтынсарин ат. ҰБА Үндеу жолдады.

"Балдәурен" Республикалық оқу-сауықтыру орталығы жас ұрпақтың тәрбиесіне қатысты мемлекеттің жүргізетін саясатын әрдайым жоғары деңгейде орындап келе жатқанының тағы бір куәсі болдық. Семинарға қатысушылар іс-шарадан үлкен әсер алып, бір-бірімен тәжірибе алмасып, көптеген жаңалықтарға қанығып қайтты. Семинар-практикумның жұмыс барысы туралы бейнежазба Орталықтың ресми сайтында және әлеуметтік желілерде жарияланды.