2017 жылғы 26-28 тамыз аралығында "Балдәурен" РОСО РМҚК Орталықтың 15 жылдығына арналған "Балдәурен" - балалық шақ ғаламшары" атты Халықаралық достардың кездесуі өтті (әрі қарай - Кездесу).

Кездесудің негізгі мақсаты мен міндеттері болып табылды:

қатысушы педагогикалық қызметкерлердің шығармашылық тәжірибе алмасуы және тарату;

педагогикалық қызметкерлерді ғылыми-инновациялық үрдіске тарту, қосымша білім беру жүйесіндегі балалар лагерлері мен орталықтарының қызметкерлері арасында тәжірибе алмасу;

ұйымдастырушы-ұстаздарды ұлттық және әлемдік мәдениет дәстүрінде дене шынықтыру және спорт құралдарымен жан-жақты дамыту.

Кездесу аясында жоспарланды:

-«Бурабай» Мемлекеттік Ұлттық Табиғи Паркі бойынша саяхат;

-«Балдәурен» - балалық шақ ғаламшары» атты Халықаралық достардың кездесуінің Салтанатты ашылуы;

-педагогикалық инновациялардың Халықаралық Жәрмеңке-тұсаукесері («Балалар орталықтарының келешектегі дамуы - 2020»);

-«Алуан түрлі болсақ та, бағдарымыз бір!» таныстыру кеші;

-«Жаңа ойлар ашылымдары» шеберлік сыныптар;

-«Тәлімгер - қиялы ұшқыр мамандық!» тәлімгерлік шеберліктің дөңгелек үстелі;

-«Достық Аллеясының» ашылуы;

-«Балдәурен Олимпі» спартакиадасы;

-«Балдәурен! Мерейтой! Тосын сый!»   «Жастар» педагогикалық отряды мен қонақтардың қатысуымен Мерекелік концерт;

-мерекелік би кеші, «Достық отшашуы», «Алау жанындағы әндер»;

«Астана ЭКСПО - 2017» Халықаралық мамандандырылған көрмеге бару (Астана қ.)

Кездесуге қатысатындарын Ресейдің және Беларуссияның мынадай атақты балалар сауықтыру орталықтары растады:

1. «Артек» ХБО (РФ)

2. «Орленок» БРБО (РФ)

3. «Океан» БРБО (РФ)

4. «Зубренок» ҰБОСО (Беларусь Республикасы)

Қазақстан Республикасының аймақтарынан қатысқандар –

«Тау самалы» облыстық оқу-сауықтыру орталығы, ОҚО

 «Жас дәурен» облыстық оқу-сауықтыру орталығы, Павлодар облысы

 «Звездный» балалар сауықтыру орталығы, Ақмола облысы

«Қамбаш» Балаларға арналған сауықтыру және қосымша білім беру орталығы, Қызылорда облысы

Қорқыт Ата ат. Қызылорда мемлекеттік университетінің "Ұлағат ұландары" педагогикалық отряды

М.Катаев ат. Оқушылар сарайының «АлемStar» Педагогикалық отряды, Павлодар облысы

№ 8 Оқушылар үйі, Алматы қ.

Оқушылар сарайы, Алматы қ.

«Дарын» өңірлік ғылыми-практикалық орталығы, Шығыс Қазақстан облысы

 Қызылорда облысының білім басқармасына қарасты «Талды су» облыстық қосымша білім беру және олимпиадалар орталығы

 «Балалар шығармашылық үйі» Петропавловск қ.

Мерейтоймен құттықтаған ақ тілектерін жолдағандар - «Найрамдал» ХБО (Моңғолия),  «Смена» БРБО (РФ), «Смена» СКБ (РФ), «Океан» БРБО (РФ), «Стремление» ББҚ (Саха Республикасы, Якутия), «Камчия» ССК (Болгария Республикасы).

«Балалық шақ ғаламшары» Халықаралық достардың кездесуінің Бағдарламасы 26-тамызда басталды. Сағат 15.00.-де Кездесудің (ашылуы өтті. Ашылу салтанатына «Балдәурен» РОСО әнұранының авторлары, құрметті қонақтар – композитор Құрмет Сақай, ақын, жазушы Төлеген Қажыбай қатысты.

Кездесуге қатысушылар бағдарламаға сәйкес көрмеде өздерінің тұсаукесерлерін таныстырды, ол жерде біз балалар орталықтарының қызметі мен келешек даму үрдісімен танысуға мүмкіндік алдық.

Барлық қатысушыларды «Алуан түрлі болсақ та, бағдарымыз бір!» атты таныстыру кеші бір арнада біріктірді. Әрбір делегация өздерін бірегей формада таныстырды. Кештің соңы би кешіне ұласты.

27-тамыз Кездесудің жемісті күні болды. Бағдарлама бойынша шеберлік сыныптары өтті. Шеберлік сыныптардың жалпы саны – 15, оның 8-ін «Балдәурен» РОСО қызметкерлері, 7-ін – біздің қонақтар өткізді.

Бағдарламаға сәйкес, «Тәлімгер – қиялы ұшқыр мамандық!» атты тәлімгерлік шеберліктің дөңгелек үстелі өтті.

Дөңгелек үстел барысында келесі мәселелер талқыланды:

Балалар орталықтары мен лагерлеріндегі Тәлімгерлік шеберлік мектебінің жұмысы.

Өзіндік білім алу тәлімгердің кәсіби тұрғыдан дамуының бір формасы, тәлімгердің аттестаттаудан өтуге портфолио дайындауы.

Әріптестік орнату, балалар орталықтарымен тәжірибе алмасу, әріптестік бойынша Меморандум қабылдау туралы мәселені талқылау.

Мәселелерді талқылау барысында Тәлімгерліктің Шеберлік Мектебінің жұмысының өзекті мәселелері бойынша конструктивті диалог жүрді, балалар сауықтыру орталықтары жағдайында орын алған жұмыс тәжірибесі талданды, балалар мен жасөспірімдердің креативтілігін дамытуда тәлімгерлердің инновациялық жол табуы қарастырылды. Дөңгелек үстелдің соңында резолюция оқылды, оны барлық қатысушылар бір ауыздан қолдады және қабылдады.

Балалар орталықтары арасындағы достық пен әріптестікті нығайту мақсатында Достық аллеясы ашылды. «Достық аллеясы» – барлық Орталықтардың бірігу символына айналды. «Артек» ХБО (РФ), «Орленок» БРБО (РФ), «Океан» БРБО (РФ), «Зубренок» ҰБОСО (Беларусь Республикасы) делегацияларынан, сондай-ақ «Балдәурен» РОСО  бір өкілден қызыл лентаны қиып, біздің достық байланысымыздың арта түскенін айқындап берді.

Әрбір делегация гүл екті және Орталыққа арналған тілектері мен құттықтау сөздерін жазып қалдырды.

Кездесудің ең жарқын іс-шарасы «Балдәурен! Мерейтой! Тосын сый!» атты Мерекелік концертте «Жастар» педагогикалық отряды өзінің шығармашылығын жан-жақты көрсетті. Би және музыккалық номерлермен театрландырылған қойылымдарды залда ду қол шапалақпен қолдап отырды. Талантты тәлімгерлердің шығармашылығы қатысушылар мен  концерт қонақтарының есінде ұзақ сақталады деп үміттенеміз. Концерт мерекелік от шашумен және алау жанындағы әндермен аяқталды.

«Балдәурен» - балалық шақ ғаламшары» Халықаралық достардың кездесуіне қатысушылардың барлығына іс-шараға белсенді қатысқандары, ашық қарым-қатыс жасағандары және әрбір іс-шара барысында танытқан жақсы көңіл-күйлері үшін алғыс білдіргіміз келеді. Барлық қатысушыларға өскелең ұрпақты тәрбиелеу ісінде шығармашылық табыстар тілейміз және әрі қарай да әріптестігіміз жемісті болады деп сенеміз.