11 АУЫСЫМ 2017 ЖЫЛ

Жас туристер мен құтқарушылардың жиыны

«Өмір сүру бағдарлары».

Жалпы ереже.

1.1. Жас туристер мен құтқарушылардың қызметі өрт және басқа да төтенше жағдайлар орын алған кезде қалай әрекет ету дағдыларын  оқушыларға үйрету бойынша, балалардың арасында салауатты өмір салтын насихаттау, оқушыларды қауіпсіз өмір сүру негіздерін үйренуге кеңінен тарту, шығармашылық тұрғыдан ойлау, балалардың бос уақытын мазмұнды ұйымдастыру кешенді оқу-тәрбие үрдісінің ажырамас бөлігі болып табылады.  Осы «Өмір сүру бағдарлары» жас туристер мен құтқарушылардың жиынын өткізудің ережесі мақсаты мен міндеттерін, оны өткізу тәртібін анықтайды.  

2. Мақсаты мен міндеттері

2.1. Жас туристер мен құтқарушылар жиынын өткізу мақсаты: балалар мен жастар арасында салауатты және қауіпсіз өмір салтын кеңінен насихаттау; жалпы білім беру мектеп оқушыларының арасында құтқарушы кәсібін насихаттау және кәсіби бағдар беру; қажетті көмек көрсетуде төтенше жағдайлар бойынша мекемелерімен бірге білім беру ұйымдары мен органдарының бірлескен жұмысын жетілдіру.

2.2. Негізгі міндеттері:

 - оқушылардың бойында жеке басының және қоғамдық қауіпсіздік мәселелеріне саналы түрде әрі жауапкершілікпен қарауды қалыптастыру;

- шұғыл жағдайларда өзін ұстауды және іс жүзіндегі дағдыларды үйрету;

-  өскелең ұрпақтың моральдік-психологиялық жағдайы мен физикалық дамуын жетілдіру;

- балалар мен жастардың өмірлік функцияларының қауіпсіздігі саласындағы білімдерін, олардың физикалық және психологиялық даярлықтарының деңгейін арттыру;

- авариялардың, апаттар мен табиғи апаттардың салдарын жою уақытында құтқару және басқа да кезек күттірмес жұмыстардың, қолданбалы физикалық және медициналық-санитарлық көмектің, Азаматтық қорғаныс негіздері бойынша білімді меңгеру;

3. Өтетін күндері.

3.1.  11.08-25.08. 2017 ж.

4. Қатысушылар.

4.1. Туризм бойынша аудандық, облыстық, республикалық жарыстардың қатысушылары, жас құтқарушы балалар қатысады.   

4.2. Фестивальге қатысушылардың команданың белгісі бар бірыңғай үлгідегі формасы болуы тиіс. Команда 8 адамнан тұрады: 6 ұл бала және 2 қыз. 

5. Байқаудың бағдарламасы

5.1. Жиын бағдарламасының аясында жоспарланған:

«Жас насихаттаушы» байқауы;

«Қауіпсіз дөңгелек» үгіт бригадасының байқауы;

«Кедергілер жолағынан өту» байқауы.

5.2. Жүлдегерлер байқау грамоталарымен және естелік сыйлықтармен марапатталады.

Жарысты өткізу шарттары.

«Жас насихаттаушы» байқауы

Кезеңнің негізінде - жас құтқарушыардың қызметі көрсетілген қабырға газеті ұсынылуы тиіс.

Газетте болуы тиіс:

атауы, күні, газетті қай команданың немесе авторлық ұжымның органы шығарды;

редколлегияның құрамы; әрбір жазбаның соңында автордың қолы;

ауан түрлі жанрлар; жазба, сурет салу, репортаж, ақпарат, хроника, очерк, сұхбат, фельетон, өлеңдер, фотосуреттер және т.б.

Қазылар әртүрлі жоспарлау мен жас құтқарушылардың қызметінің толық көрсетілуін,  тіршілік қауіпсіздің негіздерін, көркем безендірілуін, алуан түрлі жанрларды пайдалануын бағалайды.

Байқау 10-ұпай жүйесі бойынша бағаланады.

«Қауіпсіз балалық шақ» үгіт бригадасының байқауы.

Сәлемдесу (Визит карточкасы). Жас құтқарушылардың жұмысын, тіршілік қауіпсіздігінің мәселелерін насихаттайтын музыкалық-театрландырған, әзіл бағдарламаларын ұсынады.  Байқау 10-ұпай жүйесі бойынша бағаланады. Өнер көрсету ұзақтығы - 5 минутқа дейін. Команда толық құрамда өнер көрсетеді.

            Қазылар ұпай қойған кезде өнері үшін бағалайды:

- мазмұны (ашылу тереңдігі, байқау тақырыбының жүйелілігін);

- әзіл;

- артистизм;

- вокалдық и хореографиялық орындау;

- костюмдер мен деректемелерді пайдалану;

- орындаудың көркемдік деңгейі;

- ерекшелік, команда стилі.

«Кедергілер жолағынан өту» байқауы

Команда 6 адамнан тұрады (ұлдар)

Өткізу сызбасы.

Бірінші кезең. Жауынгерлік киім мен жабдықтарды кию. 30 м жүгіру.

Екінші кезең. Өрт сөндіргіш оқпанмен жүгіру 50 м.

Үшінші кезең. Зардап шегушіні 20 м алып жүру.

Төртінші кезең. Жеңдерді алып жүру, тармақтарға қосылу, 30 м жүгіру.

Бірінші кезең.

Қатысушы жауынгерлік киім мен жабдықтарды өзі киеді. Басталуы: қатысушы жүктеліп жиналған киім мен жабдыққа қарап, бір метр қашықта тұрады. Берілген старт командасы бойынша жауынгерлік киімді жылдам киеді. Жауынгерлік киімді киіп болған кезде түймелер мен өрт сөндіру белдігі тағылған, шалбар баулары иыққа салынған, каскаың иек асты бауы бекітілген, киім және жабдықтар көмкерілген болуы тиіс.  Қатысушы 30 м жүгіреді және эстафетаны (оқпан) келесі қатысушыға тапсырады.

Екінші кезең.

            Қатысушы оқпанды қабылдаған соң, қашықтықты жүгіріп өтеді және эстафетаны тапсырады (оқпан).

Үшінші кезең.

            Екі қатысушы, эстафетаны қабылдаған соң (оқпан) зардап шегушіні қолдарына алады және оны, эстафетаны (оқпан) келесі қатысушыға тапсыратын үшінші кезең аяқталғанға дейін қолдарында алып жүреді.

Төртінші кезең.

            Қатысушы, оқпанды қабылдап алған соң өртке су себетін түтік құбырға жүгіріп келеді (2ш., диаметрі 51мм) және тармақтарға бағыттап, оны түтік құбырлар жүйесіне жалғайды әрі оны төсейді.  Түтік құбырларды бір-бірімен және оқпанмен қабыстыруды бір орында немесе қашықтық бойынша қозғалыс кезінде орындауға рұқсат етіледі. Оқпан түтік құбырға жалғанады және қатысушы түтік құбырлар жүйесіне қабысқан оқпанмен бірге аталған кезеңді аяқтайды.

ФИНИШ.

            4-кезеңнің қатысушысы оқпанмен бірге мәре сызығын кесіп өтеді, барлық байланысатын бастары жабық болуы керек. Жеңімпаз команда басталғаннан мәре сызығына дейінгі үздік уақыт көрсеткіші бойынша анықталады.